Դողու Փերինչեքի գլխավորած «Վաթան» կուսակցության Իզմիրի տարածքային կառույցի ակտիվն ու կուսակցության մի շարք համախոհներ բողոքի ակցիա են կազմակերպել քաղաքում տեղակայված Գերմանիայի հյուպատոսարանի առջև՝ բողոքելով 2016թ. հունիսի 2-ին Գերմանիայի խորհրդարանում քվեարկության դրված Հայոց ցեղասպանության ճանաչման մասին նախագծից։ Այս մասին տեղեկացնում է թուրքական Milliyet-ը։
Բողոքի ակցիայի ընթացքում մասնակիցները հյուպատոսարանի ներկայացուցչին են հանձնել Թուրքիայի «Վաթան» կուսակցության առաջնորդ Դողու Փերինչեքի նամակը՝ ուղղված Գերմանիայի Բունդեսթագի նախագահ Լամերթին։ Բողոքի ակցիայի ընթացքում մասնակիցները թուրքերեն և գերմաներեն գրություններ պարունակող պաստառներ են ունեցել, և բազմաթիվ կոչեր են վանկարկել, որով իրենց բողոքն են հայտնել Գերմանիայի խորհրդարանում հայտնված նախագծի վերաբերյալ։
Բողոքի ակցիայի ավարտին լրագրողների հարցերին է պատասխանել «Վաթան» կուսակցության Իզմիրի տարածքային կառույցի ղեկավար Ռիֆաթ Մութլուն՝ ասելով. «Գերմանիայի խորհրդարանը չի կարող որպես ցեղասպանություն ճանաչել 1915թ. դեպքերը, որովհետև չունի նման լիազորություններ»։
Կարդացեք նաև
