Շվեյցարայի մայրաքաղաք Բեռնում մեկնարկած սպորտային մարմնամարզության Եվրոպայի առաջնությունում Հայաստանի տղամարդկանց ազգային հավաքականը, առաջին անգամ հանդես գալով թիմային առաջնությունում, չընդգրկվեց ութ ուժեղագույնների մեջ՝ 32 երկրների պայքարում զբաղեցնելով 12-րդ հորիզոնականը:
Սակայն մեծահասակների անհատական առաջնությունում մեր երեք մարմնամարզիկներ մտան եզրափակիչ:
Հարություն Մերդինյան
Նժույգաթափերում աշխարհի առաջնության բրոնզե մեդալակիր Հարություն Մերդինյանը 2-րդ արդյունքով՝ 15,491 միավոր, հենացատկում Արթուր Դավթյանը 3-րդ արդյունքով՝ 15,300 միավոր եւ օղակների վրա Վահագն Դավթյանը 4-րդ ցուցանիշով՝ 15,566 միավոր, մտան եզրափակիչ եւ նախորդ օրը երիտասարդների առաջնությունում նույնպես օղակների վարժությունում եզրափակիչ անցած Արթուր Ավետիսյանի հետ մայիսի 29-ին կպայքարեն մեդալների համար:
Արթուր Դավթյան
Հավաքականի գլխավոր մարզիչ Հակոբ Սերոբյանը այս գիշեր Aravot.am-ի հետ զրույցում ասաց, որ բոլորից էլ գոհ է, տղաները լավ են մասնակցել: «Մնում է տեսնենք, թե եզրափակիչն ինչպես կանցնի», -ասաց նա:
Կարդացեք նաև
Վահագն Դավթյան
Աշոտ ՀԱԿՈԲՅԱՆ
