Հայտնի է, որ ելակը իր օգտակարությամբ 4-րդ տեղն է գրավում բոլոր մրգերի եւ հատապտուղների մեջ: Նրանում կա 8 հատապտուղների հաշվեկշիռ եւ պարունակում է 96 միլիգրամ վիտամին C:
Ելակը պարունակում է ազոտային նյութեր, շաքարներ, պեկտիններ, օրգանական թթուներ, եթերայուղեր, վիտամիններ, երկաթ եւ այլ տարրեր:
Ելակի հյութը բուժում է վերքերը, դիզենտերիան, տոնուսավորում է օրգանիզմը, արյունաստեղծ է, արյունահոսությունը դադարեցնող, հակաբորբոքիչ, միզամուղ, լեղամուղ:
Հյութը կիրառում են գաստրիտի, կոլիտի, խոլեցիստիտի, լյարդի հիվանդությունների, սակավարյունության, ռախիտի, պոդագրայի, լնդախտի, էկզեմայի, աթերոսկլերոզի, հիպերտոնայի, աղեստամոքսային համակարգի խոցերի, արգանդային արյունահոսությունների, թութքի դեպքում:
Հյութն օգտագործում են 1 ճաշի գդալից մինչեւ կես թեյի բաժակի չափ, օրը 3 անգամ, ուտելուց կես ժամ առաջ:
Հակացուցված է ստամոքսի բարձր թթվայնության, քրոնիկական ապենդիցիտի, ալերգիաների նկատմամբ հակվածության դեպքում:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
26.05.2016
