Aravot.am- ը Իսպանիայի Թագավորությունում Հայաստանի Հանրապետության արտակարգ եւ լիազոր դեսպան Ավետ Ադոնցից հետաքրքրվեց՝ ինչպիսի՞ն է իսպանացիների (տարբեր շրջանակների) կարծիքը՝ Ղարաբաղյան հիմնախնդրի մասին:
«Գաղտնիք բացահայտած չեմ լինի, եթե ասեմ, որ պաշտոնական Մադրիդը հակամարտությունների լուծման համար փորձում է ունենալ մեկ ունիվերսալ բաղադրատոմս: Այդուհանդերձ, իսպանացի պաշտոնյաների կողմից բազմիցս հայտարարվել է, որ անվերապահորեն աջակցում են Մինսկի խմբի գործունեությանը՝ միտված Լեռնային Ղարաբաղի հակամարտության խաղաղ կարգավորմանը:
Միաժամանակ Իսպանիայի Թագավորության որոշ տարածքային միավորումներ (Բասկերի երկրի խորհրդարան, Սան Սեբաստիան) ապրիլյան դեպքերի հետ կապված, ընդունեցին Ադրբեջանի ագրեսիան դատապարտող հայտարարություններ:
Հարկ է նշել նաեւ, որ խնդիրը խորապես ուսումնասիրած ակադեմիական, համալսարանական եւ ԶԼՄ շրջանակների ներկայացուցիչների մոտ հստակ ձևավորված մոտեցում կա խնդրի շուրջ: Վերջիններս ծանոթ են հակամարտության նախապատմությանը, Ադրբեջանի իշխանությունների ագրեսիվ ռասիստական քաղաքականությանը եւ համակարծիք են, որ արցախցին իրավունք ունի եւ պե՛տք է ապրի խաղաղ, անվտանգ եւ ինքը կառուցի իր սեփական ապագան»,-պատասխանեց դեսպանը:
Կարդացեք նաև
Պարոն Ադոնցի հետ հարցազրույցի այլ մանրամասներ կարդացեք մայիսի 27-ի տպագիր «Առավոտում»:
Գոհար ՀԱԿՈԲՅԱՆ
