Լատվիայի արտաքին գործերի նախարար Էդգարս Ռինկեվիչը հարցազրույց է տվել տեղական ռադիոընկերություններից մեկին։ Այս մասին տեղեկացնում է ռուսական «ՏԱՍՍ» լրատվական գործակալությունը։
Անդրադառնալով Ռուսաստան-Լատվիա հարաբերություններին, բալկանյան այդ պետության արտաքին գերատեսչության ղեկավարն ասել է, որ այժմ Ռուսաստանը սպառնալիք չի ներկայացնում Լատվիայի համար և ավելացրել. «Լատվիան անում է հնարավոր ամեն բան, որպեսզի որևէ մեկին, նույնիսկ ամենասարսափելի երազում, չթվա, թե կարող է ՆԱՏՕ-ի անդամ որևէ երկրի վնաս հասցնել»։
Ռինկեվիչն ասել է նաև, որ Ռուսաստանն ու Լատվիան բանակցություններ են վարում մի շարք հարցերի վերաբերյալ։
Հիշեցնենք, որ ավելի վաղ Լատվիայի ՊՆ նախարար Ռայմոնդս Բերգմանիսը հայտարարել էր, որ ինքն անհանգստությամբ հետևում է ռուսական բանակի չափից շատ զինմանը՝ ավելացնելով. «Մենք պետք է որևէ կերպ արձագանքենք դրան»։
