Ուկրաինայում ակտիվորեն շարունակվում են եվրատեսիլյան քննարկումները և արդեն իսկ ակտիվ բանավեճի առարկա է դարձել, թե հատկապես որտեղ պետք է կայանա Եվրատեսիլ 2017-ը։ Այս մասին հաղորդում է ուկրաինական vesti-ukr.com-ը։
Քննարկումներից անմասն չի մնացել նաև Ուկրաինայի մայրաքաղաք Կիևի քաղաքապետ, նախկինում բռնցքամարտիկ Վիտալի Կլիչկոն։ Նրա խոսքերով՝ Եվրատեսիլ 2017-ի անցկացման համար ամենաճիշտը մայրաքաղաք Կիևում գտնվող «Կիև արենայի» վերանորոգումն է։
Արտահայտվելով այդ մասին՝ Կլիչկոն ասել է. «Ես արդեն խոսել եմ արենայի սեփականտերերի հետ։ 6-7 ամսվա ընթացքում նրանք կարող են ավարտել վերանորոգումը»։
Ուշագրավ է, որ լրատվամիջոցի փոխանցմամբ՝ Ուկրաինայի մայրաքաղաքի քաղաքապետարանին մոտ կանգնած աղբյուրի պնդմամբ՝ «Կիև արենայի» վերանորոգման համար անհրաժեշտ է 70 միլիոն ԱՄՆ դոլար։
Կարդացեք նաև
Թեմայի վերաբերյալ վերջնական որոշումը կայացվելու է այս տարվա հունիսի սկզբին։
