էկոնոմիկայի նախարար Արծվիկ Մինասյանն այսօր կառավարության նիստում ասաց, որ վարչապետ Հովիկ Աբրահամյանի հանձնարարությունից հետո, ուսումնասիրություններ է կատարել եւ առաջին փուլում առանձնացվել են այն հիմնական ապրանքատեսակները, որոնք հանրության շրջանում մեծ հետաքրքրություն ու առանձին պահանջներ են ունեն: Դրանք են՝ կարագի, ալյուրի, ցորենի, շաքարավազի, արեւածաղկի յուղի, հավի, մսի, նարնջի, բանանի, բենզինի եւ դիզվառելիքի ներկրումների ոլորտները:
Հիշեցնենք, որ վարչապետը հանձնարարվել էր ներկրումների ոլորտում մենաշնորհները վերացնելու նպատակով բոլոր անհրաժեշտ փաստաթղթերը էլեկտրոնային եղանակով ներկայացնել, որպեսզի ներմուծողները կարողանան ամբողջական ու լիարժեք տեղեկատվություն ստանալ:
Ըստ Արծվիկ Մինասյանի, «Արդեն մշակվել են անհրաժեշտ տեղեկատվական հուշաթերթերը, ուղարկվել են Պետական եկամուտների կոմիտե եւ Սննդի անվտանգության ծառայություն՝ համաձայնեցումների: Ավարտից հետո սպասում ենք, որ մինչեւ ոչ շատ ուշ, քան այս շաբաթվա ավարտը մենք կտեղադրենք նաեւ կայքում: Շարունակական բնույթ է սա կրելու, որպեսզի անցում կատարենք նաեւ սպառողական զամբյուղի մնացած ապրանքներին եւ Հայաստան ներմուծվող ավելի մեծածավալ քանակի ապրանքների լիարժեք տեղեկատվության ներկայացմանը»:
Արծվիկ Մինասյանը նաեւ նշեց, որ քայլեր են իրականացվում այդ ուղղությամբ ծրագրային ապահովություն իրականացնելու առումով, որպեսզի ցանկացած ապրանքի մասով ցանկացած երկրից ներմուծման դեպքում ներմուծողներն ու քաղաքացիները հեշտությամբ կարողանան օգտվել այդ ծառայությունից՝ հավաքելով տվյալները:
Կարդացեք նաև
Լուսինե ԲՈՒԴԱՂՅԱՆ
