Հայկական կողմի կորցրած տարածքների, ԵԱՀԿ Մինսկի խմբի համանախագահողների կողմից սահմանային միջադեպերի հետաքննության մեխանիզմների եւ ապրիլյան քառօրյա պատերազմի դասերի շուրջ «Ժողովուրդ»-ը զրուցել է «Ազատամարտիկների դաշինքի» անդամ, պաշտպանության նախկին փոխնախարար Գագիկ Մելքոնյանի հետ։
– Պարոն Մելքոնյան, հրադադարի կնքումից ի վեր Հայաստանը պաշտպանվողական մարտավարություն է որդեգրել, ինչի արդյունքում ունեցանք ոչ միայն ապրիլի քառօրյա պատերազմը, այլեւ մինչ այդ եւ դրանից հետո էլ բազմաթիվ զոհեր։ Մինչեւ ե՞րբ պետք է մենք պաշտպանվենք։
– Մենք գտնվում ենք պատերազմի մեջ եւ միշտ գտնվել ենք, եւ դա անընդհատ սկսելու է, քանի մենք շրջափակված ենք թուրքերով։ Մենք պետք է միասնական կանգնենք ու միանգամից մեր խնդիրները լուծենք։ Պետք է իրենց ստիպենք, որ գնան խաղաղության, թե չէ մուրալով խաղաղություն չենք տեսնելու։ Հիմա ոչ թե պետք է մտածենք միայն պաշտպանության մասին, այլ պլանավորենք նաեւ հարձակման տարբերակներ։
– Վերջին շրջանում կրկին ակտիվացել են տարածքային զիջումների մասին խոսակցությունները։ Տեղյակ եք՝ ո՞ր տարածքների մասին է խոսքը, ո՞րն է մեր զիջումների շեմը։
Կարդացեք նաև
– Ոչ ոք չի կարող ասել։ Նախագահն ասաց, որ 800 հեկտար հող ենք տվել։ Երկու ուղղությամբ եկել են առաջ, մնացած ուղղություններով ոչ մի խախտում սահմանին չկա։
– Ըստ Ձեզ՝ այսօր վարվող բանակցությունները կարո՞ղ են տեսանելի առաջիկայում որեւէ առարկայական արդյունք տալ։
– Այսքան ժամանակ մենք պետք է համոզված լինեինք, որ թուրքը մեզ խաբելու է։ Մենք մեր հույսը չպետք է դնենք այդ բանակցությունների վրա, որովհետեւ մենք խաբվելու ենք։ Մենք պետք է ուժեղանանք, հզորանանք, մեր տեխնիկան
թարմացնենք, արդի զենքերով զինվենք։ Պետք է ուժի դիրքերից խոսենք։ Երբեք խնդրողին ոչ ոք նվեր չի տվել, չի զիջել ոչ մի բան։
Արփինե ԹՈՎՄԱՍՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
