Զինվորական բարձրագույն կրթությամբ նախկին հոգեւորական Մխիթար Սարիբեկյանը համոզված է, որ մեզ՝ հայ ժողովրդիս, խաբել են։ Խաբել են թե մեր իշխանությունները, թե միջազգային հանրությունը։
«Ի՞նչ ասել է 2004 թվականից զինադադարի պայմանագիր ստորագրել, եւ դրանից հետո ամեն օր կրակեն սահմանին։ Դա էլ կարծես հեչ, 2016-ին նորից կրակոցներ։ Եվ այդ իրավիճակում երկու չգիտեմ ինչեր ելնում-գնում են Ռուսաստան՝ պապայի մոտ, բայց կրակոցները նորից չեն դադարում։ Փողոցային կռիվներում, եթե մեծի խառնվելուց հետո կռվող կողմերից մեկը պայմանը խախտում է, մեծը խախտողի ականջները ձգում է։ Մեր դեպքում պայմանը խախտողը մնաց անպատիժ»։
Վիեննայի հանդիպումից հետո շփման գծում տիրող հարաբերական անդորր ասվածը Մխիթար Սարիբեկյանը չի ընդունում։ Ասաց, որ Էյնշտեյնն իր հարաբերականության տեսությունը հիմնել է թվերի հարաբերական կարգի մասին։ «Ուրիշ տեղ հարաբերականության տեսությունը չի աշխատում։ Եթե ամեն օր 100 հոգի չի մեռնում, մեռնում է մեկ հոգի, սրա հարաբերականը ո՚՞րն է»,- ասաց։
Անդրադառնալով հակառակորդին զիջած 800 հա «ամայի» տարածքին՝ Սարիբեկյանը հողի նկատմամբ նման վերաբերմունք ունեցողներին անվանեց ավանակ պաշտոնյաներ։ «Ասում են՝ ստրատեգիական նշանակություն չունեցող հող է։ Ինչի հողին, հայրենիքին նման բա՞ն են ասում։ Թե՝ իրենց համար հայրենիքը մի քանի հազար քառակուսի կմ է նշանակում։ Ինչ է, մեր պատմական Հայաստանն ամբողջությամբ ջերմո՞ց էր, որ լրիվ տարան մեզանից»։
Կարդացեք նաև
Սարիբեկյանի կարծիքով՝ ղարաբաղցիներն այս ամոթալի պարտությունը կուլ տվողը չեն։ «Այսօր շուտ է, վաղը՝ ուշ։ Պետք է ընտրել ճիշտ պահը։ Հենց այդ պահը հասունանա, ձենը կլսեք»,- ասաց նախկին հոգեւորականը։
Սերոբ ՄԱՐՈՒԹՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
