«Մեր հետախույզները հոյակապ են աշխատել: Պարզապես հետախուզությունը չի կարողացել գլխավոր շտաբին մատչելի կերպով մատուցել այն մասին, որ ակտիվ գործողություններ են սպասվում»,-ապրիլյան պատերազմի համատեքստում այսպես է մեկնաբանում հայկական հետախուզության աշխատանքը առաջին հետախուզադիվերսիոն ջոկատի հրամանատար Վովա Վարդանովը: Մայիսի 25-ին «Հենարան» մամուլի ակումբում նա չմեկնաբանեց, թե ինչու է այդպես եղել: Փոխարենը հիշեցրեց, որ ՀՀ պաշտպանության նախարարն արդեն իսկ համապատասխան գնահատական տվել է` ՊՆ որոշ բարձրաստիճան պաշտոնյաների աշխատանքից հեռացնելով:
Հիշեցնենք, որ ՀՀ ՊՆ խոսնակ Արծրուն Հովհաննիսյանը մեկնաբանել էր հետախուզության աշխատանքը:
Վարդանովն անդրադարձավ նաեւ 80-ականների զենքերով կռվելուն` ասելով. «Երբ 1979թ. սովետական զորքերը մտան Աֆղանստան, նրանց դեմ կռվում էին նաեւ 18-րդ դարի հրացաններով: Եթե «ազգ-բանակ» ես, կապ չունի` ձեռքիդ ինչ զենք է: Զենքի հին լինելը ոչ թե քո պարտությանն է նպաստում, այլ զոհերիդ քանակի ավելացմանը»:
Կարդացեք նաև
Որպեսզի հայկական կողմի որոշ զինատեսակներ հնարավորինս ուշ նկատվեն հակառակորդի կողմից, Վարդանովն առաջարկում է օգտագործել քողարկող ցանցեր, որոնք կիրառվել են Արցախյան պատերազմի ժամանակ:
Այլ մանրամասները` տեսանյութում
Լուիզա ՍՈՒՔԻԱՍՅԱՆ
