Այսօր Aravot.am-ը ՀԱԿ խմբակցության պատգամավոր Հրանտ Բագրատյանին հարցրեց, թե վարչապետի՝ կոռուպցիայի դեմ պայքարի, ծախսերի կրճատման հետ կապված ի՞նչ կարծիք ունի:
Նա պատասխանեց, որ մեքենաները կրճատելը 10 միլիարդ դրամ է, հարյուրավոր միլիարդներն ուրիշ տեղ են. «Էդ 10 մլրդ եղավ, բա էն 400 մլրդ-ն ո՞ւր է: Խոսքը 500 մլրդ դրամի կոռուպցիայի մասին է: Ես այդ պայքարին լրջորեն չեմ վերաբերում: Մեքենա կրճատելը կոռուպցիայի հետ կապ չունի, դա պետական ծախսերը կրճատել է, որը կարող է եւ վատ է, որովհետեւ էդ ծախսերը կարող է կրճատես ու խնայված փողն ավելի վատ ծախսես: Դու էսօր 700 մարդու աշխատավարձ ես տալիս, էդ մարդը գնում պոմիդոր է գնում, վաղը չես տալու էդ 700 մարդու աշխատավարձը»:
Ըստ Բագրատյանի, 3 կարեւոր քայլ պետք է անել՝ վերացնել արտահանման մենաշնորհը, ներմուծման մենաշնորհը եւ հանել հսկիչ գների սահմանումը մաքսայինում: Եթե սրանք չես անում, կարող ես ոչինչ չանես:
Մեր հարցին՝ ՊԵԿ փոխնախագահն ասում է՝ երբ պաշտոնյան 2 մլն-ով բավարարվում է ընտանիք պահել, այդտեղ ավելի շատ կոռուպցիա կա, համաձա՞յն եք՝ նա պատասխանեց. «Չեմ ընդունում: Հայերեն բառապաշարում կա այսպիսի բառ՝ ցինիզմ»:
Կարդացեք նաև
Հռիփսիմե ՋԵԲԵՋՅԱՆ
