Գեներալ Մանվելի շուրջ բարձրացված աղմուկի ժամանակ ՀՀԿ ներկայացուցիչները մեկը մյուսի հետեւից սկսեցին հաշիվ պահանջել Արցախի հերոս հրամանատար Վահան Բադասյանից՝ երկու ձեռքով պահելով գեներալ Մանվելին: Ասում են՝ հեռու մնացեք Մանվել Գրիգորյանից եւ այլն:
Aravot.am-ը Ժառանգության պատգամավոր Զարուհի Փոստանջյանից հետաքրքրվեց՝ Դուք ինչպե՞ս եք վերաբերում այդ կոչերին՝ նա պատասխանեց. «Ճիշտն ասած, այստեղ տեսնում եմ քաղաքական պատվեր, եւ չեմ ցանկանա, որպեսզի քաղաքական պատվերը մեր ռազմական այս գործընթացներում ունենա հնարավորություն՝ որպես բանավեճի թեմա եւ օրակարգային թեմա դառնալու: Ես դա չեմ ցանկանա: Կարծում եմ, մենք այստեղ մեկ խնդիր ունենք՝ եթե խոսում ենք ղեկավարության մասին, ապա թիվ 1 ղեկավարը, պատասխանատուն եւ սպառնալիքն այսօր մեր այս ամբողջ իրավիճակի՝ Սերժ Սարգսյանն է»:
Մենք ճշտեցինք՝ այսինքն, համաձայն եք այս առումով իշխանության ներկայացուցիչների հետ, որ այս լարված պայմաններում գեներալ Մանվելի շուրջ ուղղորդված են այս հայտարարությունները՝ Զարուհի Փոստանջյանը պատասխանեց. «Ես իրենց հետ համաձայնելու խնդիր չունեմ: Միգուցե հենց ինքն է՝ Սերժ Սարգսյանն է ուղղորդում այս ամենը: Այսօր այս պահի դրությամբ ես կարող եմ ասել, որ թիվ մեկ մեղավորը եւ պատասխանատուն Սերժ Սարգսյանն է»:
Կարդացեք նաև
Հռիփսիմե ՋԵԲԵՋՅԱՆ
