«Հաղթողի ինտելեկտը բավարարում է սովորական սուրճը լուծվող սուրճից տարբերելուն». Նաիրա Զոհրաբյանի բողոքը՝ կառավարությանը (Տեսանյութ)

«Կոռուպցիայի դեմ հայտարարված սրբազան պատերազմից հետո ամեն օր մենք խոսում ենք հատկապես արտաբյուջեների վտանգավորության եւ ռիսկերի մասին: Էդ դեպքում ինչպե՞ս հասկանալ, որ կառավարությունը մերժում եւ բացասական եզրակացություն է տալիս մեր գործընկեր պատգամավորների նախագծին, որ ոստիկանության արտաբյուջեն գնա բյուջե, այսինքն, մենք չունենանք բյուջե եւ դաբլ բյուջե»,- այսօր ԱԺ հանձնաժողովների համատեղ նիստում ԲՀԿ խմբակցության ղեկավար Նաիրա Զոհրաբյանն այս հարցն ուղղեց կառավարության աշխատակազմի ղեկավար-նախարար Դավիթ Հարությունյանին, որը ներկայացրեց 2015-ի բյուջեի կատարողականը:

Դավիթ Հարությունյանը պատասխանեց, որ սրբազան պատերազմը չի ավարտվել, շարունակվում է: Արտաբյուջեների հետ կապված էլ Դավիթ Հարությունյանը հորդորեց հարցն ուղղել վարչապետին:

Նաիրա Զոհրաբյանը նաեւ հարցրեց՝ «ԾԻԳ-երում, որտեղ աշխատավարձերը սկսում են 500 հազարից մինչեւ անսահմանություն, մենք եթե այդտեղ կգտնենք պատահական մարդիկ, պատրաստ եմ բանավիճել: Բոլորս էլ գիտենք ինչպես են մրցույթները անցնում, 3-4 Օքսֆորդ, Հարվարդ ավարտած երեխա, եթե չունի հովանավոր, չի կարող անցնել եւ IQ-ի հետ լրջագույն խնդիրներ ունեցողները հայտնվում են այդ մրցույթներում հաղթողներ: Հիմա այդ մրցույթների վերաբերյալ ինչ-որ քայլեր արվե՞լ են»:

Դավիթ Հարությունյանը հորդորեց այդքան հոռետեսորեն չվերաբերվել այդ խնդրին. «ԾԻԳ-երը, որպես կանոն, ստեղծվում են վարկային ծրագրի շրջանակների ներքո եւ որպես կանոն պահանջները ներկայացված են միջազգային ֆինանսական ինստիտուտների փաստաթղթերում: Առանց նրանց համաձայնության՝ թեկնածուների հետ կապված, նման գործընթացները առաջ չեն գնում: Ինչ վերաբերում է IQ-ին, որեւէ դերակատարում չունի դա ընդունելության հարցում՝ ոչ բարձրը, ոչ ցածրը: Բայց կան մասնագիտական պահանջներ, որոնք ամրագրված են»:

Կարդացեք նաև

Նաիրա Զոհրաբյան. «Երբ Նիկոլն ասում էր. միսը թա՞նկ է, սխտոր կերեք, հիմա սխտոր էլ չեն կարող ուտել, որովհետեւ այն ժամանակ սխտորը 700 դրամ էր, հիմա պարսկականը 3500 դրամ է, իսկ տեղական սխտորի կիլոգրամը որպես «նամուսով ազգային-ազատագրական սխտոր»՝ 4500 դրամ է»

• 22:20 14.11.2024

Արդարադատության նորանշանակ նախարարի մուտքը իր պաշտոնին մեկնարկում է անամոթ ստով. Նաիրա Զոհրաբյան

• 11:27 08.11.2024

Նաիրա Զոհրաբյան. «Ձեզ ինչ՝ ով է ընտրվել. Բայդե՞նը, թե՞ Թրամփը: Միացյալ Նահանգներում, ի տարբերություն Հայաստանի կարգի երկրների, անձը ոչինչ չի որոշում»

• 14:53 07.11.2024

Նա ասաց, որ այս տարիներին լինում են շատ դեպքեր, երբ կառավարության կողմից ընտրության արդյունքում հաստատված մարդիկ չեն հաստատվում: Նրանք ժամանակավոր պաշտոնակատար են լինում, մինչեւ անցկացվում է նոր մրցույթ:

Նաիրա Զոհրաբյանն էլ չհամաձայնեց՝ «Մինչեւ մրցույթը մենք գիտենք, թե ով է անցնելու մրցույթում: Մենք Նոստրադամուսը չենք, ոչ էլ երազ ենք տեսնում, բայց գիտենք: Ինչ վերաբերում է IQ-ին, հաղթողի IQ-ն բավարարում է սովորական սուրճը լուծվող սուրճից տարբերելուն»:

Հռիփսիմե ՋԵԲԵՋՅԱՆ