Լեռնային Ղարաբաղի հակամարտության վերաբերյալ ծավալուն անդրադարձ է տպագրվել bne Intellinews կայքում։
Հոդվածի սկզբում պատմական անդրադարձ է կատարվում հակամարտության ընթացքին, խոսք է գնում 1990-ականների սկզբի ղարաբաղա-ադրբեջանական պատերազմի մասին, նշվում է, որ դրա հետևանքով զոհվեց 30.000 մարդ և հակամարտությունն ընդհանրապես Խորհրդային միությունից ժառանգություն մնացած կնճիռ է, որը չի հաջողվում լուծել արդեն մի քանի տասնամյակ։ Դրանից հետո անդրադարձ է կատարվում 2016թ. ապրիլյան դեպքերին։
Հրապարակված վերլուծականի շարունակության մեջ նշվում է, որ 1994թ. հետո Արցախի անկախությունը ճանաչել է ԱՄՆ 7 նահանգ, բայց, չնայած այդ փաստին, չկա որևէ պետություն` Հայաստանը ներառյալ, որ ճանաչել է Լեռնային Ղարաբաղի Հանրապետության անկախությունը։
Հոդվածում նշվում է, որ հայկական զինված ուժերը վերահսկում են Լեռնային Ղարաբաղին հարակից ևս 7 շրջան, որի միջոցով ապահովում են Արցախի անվտանգությունը։
Կարդացեք նաև
Հոդվածի վերջում խոսվում է նաև այս տարվա մայիսին Վիեննայում տեղի ունեցած Հայաստանի և Ադրբեջանի նախագահների հանդիպման մասին՝ հանդիպումը որակելով որպես փոքր քայլ, որը կարող է վերածվել մեծ թռիչքի։
