Վրաստանի արդարադատության նախարարությունը առաջարկել է փոփոխություններ կատարել երկրի քրեական օրենսգրքում, որով նախատեսվում է խիստ պատիժներ սահմանել Վրաստանի քաղաքացիների կամարտահայտման և ազատ ընտրության իրավունքը ոտնահարելու համար։ Այս մասին տեղեկացնում է Sputnik միջազգային լրատվական գործակալության վրացական տարբերակը։
Արտահայտվելով այս թեմայի մասին՝ Վրաստանի արդարադատության նախարար Թեյա Ցուլուկիանին նշել է, որ նոր փոփոխությունները նախատեսում են խիստ պատիժ սահմանել ընտրական տեղամասում, կամ դրան մոտ տարածքում ծեծկռտուք կազմակերպելու, կամ դրան մասնակցելու համար։
Վրաստանի արդարադատության նախարարը նշել է նաև, որ ինքն այդպիսի հանձնարարություն է ստացել Վրաստանի վարչապետ Գեորգի Կվիրիկաշվիլիից՝ 2016թ. մայիսի 22-ին վրացական Կորցխելի գյուղում կազմակերպված ընտրական գործընթացի շրջանակներում տեղի ունեցած միջադեպից հետո։
Վրաստանի արդարադատության նախարարության այս նոր առաջարկը Վրաստանի կառավարությանը կներկայացվի ընթացիկ տարվա մայիսի 27-ին։
