2016թ. մայիսի 22-ին Թուրքիայի մայրաքաղաք Անկարայում տեղի ունեցավ այդ երկրում իշխող «Արդարություն և զարգացում» կուսակցության արտահերթ երկրորդ համագումարը, որից հետո որոշակի փոփոխություններ են տեղի ունեցել կուսակցության ղեկավար կազմում։ Այս մասին տեղեկացնում է թուրքական «Հաբերլեր» լրատվական գործակալությունը։
Թուրքիայի իշխող «Արդարություն և զարգացում» կուսակցության ղեկից Ահմեդ Դավութօղլուի հեռացումով և կուսակցության ղեկավարի լիազորությունները Բինալի Յըլդըրըմին անցնելով՝ նոր էջ է բացվում «Արդարություն և զարգացում» կուսակցության պատմության մեջ։
Տեղի ունեցած փոփոխությունների արդյունքում նոր տեսք է ստանում նաև կուսակցության ղեկավար խորհուրդը։ Կատարված փոփոխությունների արդյունքում կուսակցության ղեկավար խորհրդի կազմում է ընդգրկվել նաև իշխող կուսակցության հայազգի պատգամավոր, գրող, հրապարակախոս Մարգար Եսայանը։
Կարդացեք նաև
Տեղեկացնենք նաև, որ «Արդարություն և զարգացում կուսակցության» արտահերթ համագումարից հետո Բինալի Յըլդըրըմին ընդունել է երկրի նախագահ Ռեջեփ Թայիփ Էրդողանը և հանձնարարել՝ կազմել Թուրքիայի պատմության 65-րդ կառավարությունը։ Թուրքիայի գործող վարչապետ Ահմեդ Դավութօղլուն կշարունակի իր լիազորությունները մինչև նոր կառավարության ձևավորումը։
