«Հավաքական անվտանգության պայմանագրի կազմակերպության ակադեմիա» հիմնադրամի (այսուհետև՝ Հիմնադրամ) կողմից թիվ 01/18-18833-413 շինարարության թույլտվության համաձայն կառուցվում է բազմահարկանի շենք:
Նախ հարկ եմ համարում նշել, որ Երևանի քաղաքապետարանի կողմից 19.05.2016թ. ինձ տրամադրված շինարարության թույլտվությունից պարզվեց, որ թիվ 01/18-18833-413 շինարարության թույլտվության ժամկետը 05.05.2016թ. լրացել է, սակայն շինարարական աշխատանքները շարունակվում են:
Ավելին շինարարության թույլտվությունը տրամադրվել է Կենտրոն վարչական շրջան, Մ. Հերացու փող., հ 2 շենքի վերակառուցման և բարեկարգման աշխատանքների կատարման համար, այն ինչ այնտեղ իրականացվում է լրիվ նորակառույց շենքի շինարարություն և նախկին դպրոցի շենքը հիմնահատակ քանդվել է:
Գտնում եմ, որ նախ ներկայումս շինարարությունն իրականացվում է ապօրինի, քանի որ 05.05.2016թ. շինարարության թույլտվության ժամկետը լրացել է և այն մինչ օրս չի երկարացվել:
Կարդացեք նաև
Երկրորդ. Կենտրոն վարչական շրջան, Մ. Հերացու փող., հ 2 շենքի շինարարությունն իրականացվել և իրականացվում է նախագծային փաստաթղթերի ակնհայտ շեղումներով, չհաշված այն, որ այդ շենքի կառուցումով խախտվում է նաև հարևան շինության սեփականատիրոջ ՀՀ Սահմանադրությամբ երաշխավորված սեփականության իրավունքը:
Ամբողջ վերոգրյալը հաշվի առնելով, խնդրում եմ՝ աջակցել բողոքիս ձայնը լսելի դարձնելու համար:
Կից ներկայացնում եմ Երևանի քաղաքապետարանի կողմից 19.05.2016թ. տրամադրած շինթույլտվության պատճենը:
Դիմող՝ Կարեն ՀԱՐՈՒԹՅՈՒՆՅԱՆ
