Aravot.am-ի այն հարցին, թե դեղ ներկրողները պարբերաբար դժգոհություն էին հայտնում մաքսային պահեստում դեղի պահպանման պայմաններից` նշելով, որ մինչ մաքսազերծվելը դեղի համար չի ապահովվում պատշաճ պայմաններ, լուծվե՞լ է արդյոք այդ հարցը, «Դեղարտադրողների եւ ներմուծողների» (ԴԱՆ) միության նախագահ Սամվել Զաքարյանն ասաց, որ պայմանները վատ չեն. «Ուղղակի կա ծրագիր ավելի լավ, միջազգային չափանիշներին համապատասխան մաքսային պահեստներ կառուցելու: Այդքան էլ տեղյակ չեմ ինչ փուլում է, բայց գիտեմ, որ աշխատանքները սկսվել են»:
Մեր այն հարցին, թե 3-4 տարի առաջ դեղերի շուկան ազատականացվեց, այսինքն` դեղ ներկրողները կարող էին դեղ ներկրել ոչ միայն ուղիղ արտադրողից. այլեւ` երրորդ ձեռքից, այսպես ասած` հոլդերներից, ինչը մի շարք մասնագետների շրջանում դժգոհություն առաջացրեց, որ հայաստանյան դեղերի շուկան կլցվի կեղծ ու անորակ դեղերով, այս առնչությամբ մտահոգություն ուներ նաեւ ԴԱՆ միությունը, ներկայումս ինչ վիճակ է դեղերի շուկայում, Սամվել Զաքարյանն ասաց, որ բիոտեռորիզմի վտանգը կար եւ հիմի էլ առկա է:
Կարդացեք նաև
«Օրենքը թղթի վրա գրված է, միջազգային չափանիշներին համապատասխան, բայց, գրված է` թույլատրվում է այսինչ դեպքերում, չի թույլատրվում, եթե…ու այդ եթեների շարքն է, որ անհասկանալի է` ինչ կարգով, որ դեպքերում կարող են մերժվել: Ժամանակը ցույց տվեց, որ այո, զուգահեռ ներմուծման դեպքում, ինչպես Վրաստանի օրինակն է, առողջ մրցակցություն կարող է ստեղծվել եւ ներմուծողներն իրենք կարող են գտնել ավելի էժան եւ, նույնիսկ, չլինելով էքսկլյուզիվ դիստրիբյուտոր Հայաստանում, բերեն եւ վաճառեն նրանց արտադրանքը»:
Ըստ միության նախագահի, վտանգներ էլ կան` բիոտեռորիզմի, չգրանցված, կեղծ դեղերի թափանցման. «Որովհետեւ մոնիտորինգը, որը շատ խիստ է արվում դեղերի դեպքում, կարող է այս քանակի դեպքում փորձագետների քանակն, ուղղակի, չհերիքեր»:
Սամվել Զաքարյանի խոսքերով, վերջին տարիների ընթացքում նույնիսկ պարզվեց, որ թույլտվության, օրենքի փոփոխության դեպքում դեռ կան անհամապատասխանող դրույթներ հին օրենքում եւ թե հարակից օրենքներում, որոնք առնչվում են դեղերի մասին օրենքին, որոնք թույլ են տալիս արգելել նրանց ներմուծումը. «Դեղերի մասին նոր օրենքում արդեն հստակեցված է զուգահեռ ներմուծման որոշ հարցեր, սակայն կան բաց կետեր, որոնք կարող են կամայական ձեւով ներկայացվել»:
Սամվել Զաքարյանի խոսքի շարունակությունը ` տեսանյութում
Լուսինե ԲՈՒԴԱՂՅԱՆ
