ՀՀ ժողովրդական արտիստ, ռեժիսոր Նիկոլայ Ծատուրյանի համոզմամբ` պետք է արժանապատվությամբ մոտենալ հակառակորդին:
«Հայելի» ակումբում լրագրողների հետ հանդիպմանը պարոն Ծատուրյանը մի անեկդոտ հիշեց ոսկե ձկնիկի մասին, որին մարդն ասում է, թե ամեն բան ունեմ, մի բան չունեմ. պատերազմի հերոս չեմ, շքանշան չունեմ։ Ձուկն ասում է՝ կանեմ։ Տանկեր են գալիս. այս մարդը խփում է նռնակով, էլի է տանկ գալիս, էլի է խփում….վերջին վայրկյանին մարդը գլխի է ընկնում, ասում է՝ վայ, ես քո հերն եմ անիծել, հետմահո՞ւ էիր տալու..։ Զուգահեռներ անցկացնելով` պարոն Ծատուրյանն ասաց. «Կարող է Սերժն ուզում է մեզ հետ հետմահո՞ւ զրուցել։ Ոչ մի անգամ ես չտեսա կոնկրետ զրույց ժողովրդի հետ»:
Նույն կարծիքին է նաև երգահան Արտավազդ Բայաթյանը: Նա մտահոգված է, որ բանակցությունները գաղտնի ձևաչափով են ընթանում, և ոչ ոք ոչինչ չի հասկանում. «Սերժ Սարգսյանի հարցազրույցում ոչ մի նորություն չի հնչել: Ավելի ճիշտ կլիներ, եթե նա ժողովրդին դիմեր: Մինչդեռ ապրիլյան պատերազմի օրերին լռություն էր տիրում»:
Անդրադառնալով ՀՀ երեք նախագահների վարած քաղաքականությանը` պարոն Բայաթյանը նշեց. «Ունեցել ենք երեք ղեկավար, և ոչ ոքից էլ չիմացանք, թե որտեղից եկավ, ինչ արեց։ Ուրիշ երկրներում գիրք են գրում մարդիկ այդ մասին, իսկ այստեղ ոչինչ չենք հասկանում»։
Կարդացեք նաև
Նիկոլ Ծատուրյան
Նիկոլայ Ծատուրյանի համար նաև անընդունելի են վարչապետի` «օպտիմալացման» հետ կապված հայտարարությունները:
Ապրիլյան պատերազմը, ըստ ռեժիսորի` ձեռնտու էր Ռուսաստանին: Նա Ռուսաստանի` Հայաստանի ու Ադրբեջանի նկատմամբ պահվածքը համեմատեց փողոցում կռվող երկու երեխաներին` մեծի կողմից թաթալոշով սաստելու հետ, երբ ասում է «ռադներդ քաշե՛ք այստեղից»:
Տաթև ՀԱՐՈՒԹՅՈՒՆՅԱՆ
