ՆԱՏՕ-ի անդամ երկրների արտաքին գործերի նախարարների մասնակցությամբ տեղի ունեցած գագաթնաժողովից առաջ այդ կառույցի գլխավոր քարտուղար Յենս Սթոլենբերգը պատասխանել է լրագրողների հարցերին։ Այս մասին տեղեկացնում է Middle East Observer-ը։
Լրագրողների առջև իր ելույթի ընթացքում ՆԱՏՕ-ի գլխավոր քարտուղարն անդրադարձ է կատարել «Իսլամական պետություն» ահաբեկչական խմբավորման դեմ պայքարին և ՆԱՏՕ-ի անդամ պետություններին, որոնք, Սթոլենբերգի կարծիքով, ակտիվ պայքար են մղում այդ խմբավորման դեմ։
Իր հնչեցրած հայտարարության ընթացքում ՆԱՏՕ-ի գլխավոր քարտուղարը համոզմունք է հայտնել, որ «Իսլամական պետություն» ահաբեկչական խմբավորման գործողությունների հետևանքով ամենից շատ տուժել է ՆԱՏՕ-ի անդամ Թուրքիան. «Մեր դաշնակից ՆԱՏՕ-ի անդամ Թուրքիան ամենաշատն է տուժել Սիրիայում «Իսլամական պետության» առաջացրած խառնաշփոթ իրավիճակի հետևանքով։ Այդ պատճառով Թուրքիայում լրացուցիչ միջոցառումներ ենք ձեռք առել»։
Տեղեկացնենք, որ ՆԱՏՕ-ի անդամ երկրների արտաքին գործերի նախարարների գագաթնաժողովը մեկնարկել է 2016թ. մայիսի 19-ին և այն նախատեսվում է ավարտել այսօր՝ մայիսի 20-ին։
Կարդացեք նաև
