Քիչ առաջ Գյումրի բժշկական կենտրոնը հայտարարություն էր տարածել, որ «Մայիսի 19-ին, ժամը՝15:00-ին «Գյումրի բժշկական կենտրոն» է ընդունվել սուր կտրող-ծակող գործիքով վնասվածքներ ստացած քաղաքացի:
Տուժողը՝ 1989 թվականին ծնված, Գյումրի քաղաքի բնակիչ Գ.Թ.-ն է, որի մոտ ախտորոշվել է կրծքավանդակի ձախ կեսի կտրած-ծակած վերք: Հիվանդը վիրահատվել է: Բավարար առողջական վիճակով գտնվում է վիրաբուժական բաժանմունքում»:
Պարզեցինք, որ տուժածը Հոռոմի խաչմերուկում տեղի ունեցած ողբերգական ավտովթարից մահացած շիրազագետ Արամայիս Շիրազունու որդին է:
Հիշեցնենք, որ Շիրազունին եղել է «Հովհաննես Շիրազի» տուն -թանգարանի գլխավոր հիմնադիրներից մեկը, զբաղեցրել է թանգարանի տնօրենի պաշտոնը, վերջին քաղաքական զարգացումներից հետո նրան հանել էին պաշտոնից, ու նա մինչ ողբերգական վթարը աշխատում էր որպես ֆոնդապահ. բանաստեղծին պատկանող բոլոր մասունքները, արխիվը նրա հսկողության տակ էր:
Կարդացեք նաև
Թե ո՞վ է դանակահարել Շիրազունու որդուն, որտե՞ղ, դեռ հայտնի չէ, իրավապահներն այս պահին ճշտում են դեպքի վայրը, հանգամանքները:
Նունե ԱՐԵՎՇԱՏՅԱՆ
