Մայիսի 18-ին տեղի է ունեցել ՀՀ 25-ամյակին նվիրված «Ուսանողական գավաթ» մարզական խաղերի հանդբոլի տղաների մրցաշարի պարգևատրման արարողությունը։
Խաղերը սկսվել էին մայիսի 16-ից։ Մասնակցում էին 6 համալսարանական թիմեր։ Հանդբոլի տղաների մրցաշարում 3-րդ տեղը զբաղեցրել է Հայաստանի ազգային պոլիտեխնիկական համալսարանի թիմը, 2-րդ տեղում է Վանաձորի պետական համալսարանը, իսկ խաղերի հաղթող է դարձել Ֆիզիկական կուլտուրայի հայկական պետական ինստիտուտի թիմը։
Այս մրցաշարով ավարտվում է տարբեր մարզաձևերով անցկացվող խաղերի գարնանային փուլը, դրանք կշարունակվեն աշնանը։
Նշենք, որ «Ուսանողական գավաթ» մարզական խաղերը կազմակերպել են ՀՀԿ երիտասարդական կազմակերպությունը և Հայաստանի ուսանողական մարզական ֆեդերացիան։
ՀՀԿ երիտասարդական կազմակերպություն
