Սպանախը իր բազում օգտակար հատկությունների շնորհիվ առողջության ամրապնդման համար առաջնային մեթերքներից է: Այն պարունակում է վիտամիններ A, B6, C, ֆոլաթթու եւ այլ վիտամինների մնացորդներ: Պարունակում է այնպիսի կարեւոր սննդարար նյութեր՝ տիամին, ռիբոֆլավին, որոնք կարեւոր դեր են խաղում օրգանիզմի ամենօրյա գործողությունների կատարման համար: Սպանախը հարուստ է նաեւ հանքանյութերով` կալիում, մանգան, ցինկ, մագնեզիում, երկաթ, կալցիում, գունանյութերով եւ ֆիտոսննդարար նյութերով: Սպիտակուցների պարունակության առումով սպանախը մրցում է կաթի հետ եւ մի փոքր հետ է մնում մսից:
Այս մթերքի օգտակար հատկությունները ապահովում են աչքերի լավ տեսողությունը, արյան նորմալ ճնշումը, մկանների ամրությունը, հղի կանանց մոտ՝ պտղի նորմալ զարգացումը, մաշկի պաշտպանվածությունը, նյարդային համակարգի առողջությունը եւ այլն: Եփելիս որպեսզի այն պահպանի բոլոր կենսանյութերը, պետք է եփել շատ քիչ: Սպանախը եփելու լավագույն ձեւը այն լվանալուց հետո չցամաքեցնել եւ իր ջրով կաթսայի մեջ լցնել՝ առանց հավելյալ ջուր լցնելու: Եփել՝ պատառաքաղով մերթընդմեթ խառնելով: Փորձառուները խորհուրդ են տալիս պատառաքաղի ծայրին սխտորի կեղեւած մեկ պճեղ անցկացնել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
18.05.2016
