«Մենք փաստորեն մտել ենք մի գործընթացի մեջ, երբ ընտրական օրենսգրքում փոփոխությունն ուզում ենք անել ընտրություններից մի քանի ամիս առաջ»,- մայիսի 16-ին Ազգային ժողովում հայտարարեց ՀԱԿ խմբակցության ղեկավար Լեւոն Զուրաբյանը:
Նա նշեց, որ այդ հարցում արհամարհվում են Վենետիկի հանձնաժողովի ուղենիշները. «Հստակ գրված է, որ նման հիմնարար փոփոխությունը 1 տարուց ավելի շուտ պետք է արվի, որ ապահովի ընտրությունների ինստիտուտների կարողությունը: Իրականում, իրավիճակը հետեւյալն է՝ մեր ամբողջ ժողովուրդը, միջազգային հանրությունը, ՄԱԿ-ը, Եվրոպական միությունը, ԵԱՀԿ-ն, ԺՀՄԻԳ-ը՝ բոլորն էլ սպասում են՝ ա. որ լինի կոնսենսուս, երկրորդը, որ սա լինի իսկապես մի ընդգրկուն քաղաքական գործընթաց, որտեղ հաշվի առնվեն ամբողջ հանրության, քաղաքական ուժերի ներդրումները:
Դա չկա այս պահին, եւ դրա համար մենք հայտարարում ենք, որ եթե դուք ի սատարումն ձեր իսկ պնդումների չեք հայտարարում, որ անմիջապես օրենքի ընդունումից հետո արտահերթ նիստ կանցկացնեք, որ հնարավորություն ստեղծվի բոլոր այս հնարավորությունը քննարկելու, ուրեմն՝ մենք դադարեցնում եք մեր մասնակցությունը նաեւ ընտրական օրենսգրքի երկրորդ ընթերցմանը»:
Էդուարդ Շարմազանովը այս հայտարարությանը պատասխանեց. «Պարոն Զուրաբյան, եթե-ներով խոսելն արդյունավետ չէ, մենք դեռ մեր խոսքը կասենք»:
Կարդացեք նաև
Ամի ՉԻՉԱԿՅԱՆ
