«Ապրիլի 1-ին Մասիսը հանձնել էր հերթապահությունը, դիրքերից իջել էր: Զանգեց տուն, խոսեցինք: Երեկոյան հյուրեր ունեինք, հայրը խորոված արեց. միշտ խորոված էր անում, որ Մասիսը դիրքերից իջնում ու զանգում էր: Բայց հոր քունն ամբողջ գիշեր չտարավ: Ասում է` չգիտեմ ինչու, բայց շատ անհանգիստ եմ»,- «Առավոտի» հետ զրույցում պատմում է զինծառայող Մասիս Մուրադյանի մայրը՝ տիկին Սուսաննան: Առավոտյան կանուխ մեծ որդին՝ Սերոբը, դուրս է գալիս փողոց եւ բերում է գույժը. «Ասում են՝ պատերազմ է…»:
Լուսանկարը՝ ՆԵԼԼԻ ԳՐԻԳՈՐՅԱՆԻ
«Առավոտ» օրաթերթ
14.05.2016
