Լրագրողների խումբը մայիսի 14-ին այցելեց Վայքի զորամասերից մեկը, երբ զինվորները ճաշում էին:
Ճաշարանի պետ Անահիտ Առաքելյանը լրագրողների հետ զրույցում չկարողացավ առանձնացնել կոնկրետ մի ճաշատեսակ, որը նախընտրում են զինվորները: Ըստ նրա, կարեւորն այն է, որ ճաշատեսակը լավ պատրաստված լինի եւ համեղ. «Բայց ավելի շատ սիրում են բրնձով, ոսպով փլավը, հավի մսով հարիսան: Եվ բնականաբար, մենք ցուցակը կազմելու ժամանակ հաշվի ենք առնում այդ հանգամանքը, թե ինչ է նախընտրում անձնակազմը եւ դա ընդգրկում ենք»:
Journalists paid a visit to the supply base of the RA Armed Forces
Անահիտ Առաքելյանը մեզ տեղեկացրեց, որ զորամասում ավանդույթ է ձեւավորվել, երբ զինվորներից մեկի ծննդյան օրն է, հատուկ սեղան է առանձնացվում նրա համար: Ճաշի ընթացքում հայտարարվում է, որ նրա տարեդարձն է, եւ հոբելյարի ծառայակիցները ծափահարություններով շնորհավորում են վերջինիս:
Journalists paid a visit to N.. military unit of Vayk in Vayots Dzor Province
Journalists paid a visit to N.. military unit of Vayk in Vayots Dzor Province
Մեր այցելության ընթացքում այդ սեղանը առանձնացված էր ժամկետային զինծառայող Պերճ Ոսկերչյանի համար: Ի տարբերություն մյուս սեղանների այստեղ նկատեցինք նաեւ քաղցրավենիք: Շուտով Պերճ Ոսկերչյանը հենց այդտեղ իր ընկերների հետ նշեց իր 23-րդ տարեդարձը՝ ձեւավորված ավանդույթի համաձայն: Մեզ հետ զրույցում վերջինս հույս հայտնեց, որ իր 24-րդ ամյակը կնշի տանը՝ արդեն 2-ամյա որդու հետ:
Կարդացեք նաև
Ամի ՉԻՉԱԿՅԱՆ
