Դիանա Մնացականյանը չի ցանկանում մեկնաբանել գործընկերներին
Aravot.am-ը «Եվրատեսիլի» հայաստանյան պատվիրակության նախկին ղեկավար Դիանա Մնացականյանից հետաքրքրվեց՝ ի՞նչ կարծիքի է Եվրոպական հեռարձակողների միության նախազգուշացման վերաբերյալ ՝ Արցախի դրոշը Իվետա Մուկուչյանի կողմից ծածանելու առիթով:
«Ես արդեն 6 տարի է՝ որեւէ առնչություն չունեմ «Եվրատեսիլի» հետ, ես մի քիչ կոռեկտ չեմ համարում մեկնաբանել նախկին գործընկերներիս որոշումները, ընդ որում և՛ հայաստանյան, և՛ արտասահմանյան»,-ասաց տիկին Մնացականյանը։
Ապա այնուամենայնիվ հավելեց. «Անշուշտ, ունեմ իմ կարծիքն այս ամենի վերաբերյալ, հատկապես որ 2009-ին Սիրուշոյի կողմից «Մենք ենք մեր սարերը» արձանի պատկերը ցուցադրելու որոշման ու իրականացման պատասխանատուներից էի, եւ նույն տարվա ընթացքում Ադրբեջանին իմ պնդումների արդյունքում ենթարկեցին տուգանքի՝ Արշակյան քույրերի ելույթը Ադրբեջանում չցուցադրելու ու քվեարկության համարն էկրանից ջնջելու համար։ Բայց այս որոշման պատասխանատուն ես չեմ, եւ իմ անձնական կարծիքն էլ շատ հանրայնացնել չեմ ցանկանում»։
Կարդացեք նաև
Գոհար ՀԱԿՈԲՅԱՆ
