«Ինչքա՞ն կարելի է այս պատերազմին զոհ տանք մեր ամենաընտրանին»,- մայիսի 12-ին «Հայացք» մամուլի ակումբում լրագրողների հետ հանդիպման ընթացքում ասաց Շուշիի առանձնակի գումարտակի ազատամարտիկների միավորում հասարակական կազմակերպության վարչության անդամ Պավել Մանուկյանը:
Նա հայտարարեց, որ իրենց նպատակը չի գնալ կանգնել զինվորի կողքին, նրանց ոգեւորել, նրանց խրախուսել. «Մենք սահմանում կանգնելու նպատակ չունենք, մենք ունենք պատերազմը վերջացնելու ցանկություն, եւ դա կարող ենք: Այսօր՝ հայ ժողովուրդը կարող է»:
Մամուլի ակումբում ներկա էր նաեւ Շուշիի առանձնակի գումարտակի ազատամարտիկների միավորում հասարակական կազմակերպության վարչության անդամ Վիկտոր Դավթյանը, որը նախկինում բնակվել է Թալիշում, եղել է Թալիշում տեղակայված զորքերի հրամանատար: Անդրադառնալով Թալիշում իրավիճակին՝ ասաց. «Թալիշը ծաղկում էր, բազմանում էր, մարդիկ արդեն սկսում էին նորմալ ապրել: Կարելի է ասել՝ մարդիկ արդեն իրենց լիարժեք էին զգում իրենց հողի վրա, անասուններ էին ձեռք բերել, սկսել էին բավականին լավ ապրել: Այս դեպքերից հետո՝ այդ ամբողջը կորցնելուց հետո, եթե այսպես շարունակվի, ես չեմ պատկերացնում, որ երբեւէ թալիշեցին կվերադառնա Թալիշ:
Կարդացեք նաև
Որովհետեւ նախ անհնարին է այս պահին, եւ այնպիսի հիասթափություն են ապրում թալիշեցիները, որ ես կասկածում եմ՝ նրանք երբեւէ կվերադառնան, եթե տարածքը չմաքրվի թշնամուց: Տարածքը պետք է մաքրել, եւ պետք է բավականին առաջ գնանք, ծնկի բերենք: Դա է միակ հույսը»:
Ամի ՉԻՉԱԿՅԱՆ
