Այս պահին կառավարության շենքի մոտ բողոքի ակցիա են անում «Նորաշեն-2007» սպառողական կոոպերատիվի բնակիչները, որոնք, հիշեցնենք՝ Ազգային ժողովի փոխնախագահ Հերմինե Նաղդալյանի եւ նրա ամուսնու գործունեությունից տուժածներն են:
Բողոքի ակցիայի մասնակիցները «Վաշխառուներ», «Մարդ կա հազիվ է օթեւան ճարում, մարդ կա՝շենքերն է շալակած տանում» եւ Հերմինե Նաղդալյանի նկարով պաստառներն են ցուցադրում կառավարության շենքի մոտ:
Ցուցարարները Aravot.am-ին պատմեցին, որ Հերմինե Նաղդալյանի ամուսինը, որը կառավարության գործերի կառավարիչ Դավիթ Բեգլարյանն է, կառավարության շենքից դուրս է եկել, մոտեցել ցուցարարներին եւ փորձել խլել պաստառները, հոխորտացել նրանց վրա, ասելով՝ ինչո՞ւ եք եկել, ես ձեզ ասել եմ չգաք, եւ նկատելով մի պաստառի վրա պատկերված ավանակը, ասել է՝ էշը դուք եք:
Կարդացեք նաև
Նելլի ԲԱԲԱՅԱՆ
անաստուածներ ինչու կը չարչարէք ժողովուրդը ?