«Պանամական արխիվի» փաստաթղթերում տեղեկություններ են հայտնաբերվել, որոնք փաստում են, որ Ռուսաստանի Դաշնության նախագահ Վլադիմիր Պուտինի մի շարք մերձավորներ օֆշորային ընկերությունների սեփականատերեր են։ Այս մասին տեղեկացնում է Slon.ru կայքը։
Մասնավորապես ի հայտ եկած փաստաթղթերից հայտնի է դարձել, որ օֆշորում գործող մի շարք կազմակերպություններ են գրանցված Պուտինի մերձավոր շրջապատի անդամ համարվող երաժիշտ Սերգեյ Ռոլդուգինի անունով։ Օֆշորային այդպիսի ընկերություններից մեկը, որի մասին հայտնի չէր նախկինում, կոչվում է Raytar Limited։
Պուտինի մերձավոր շրջապատի մեկ այլ անդամի՝ Բորիս Ռոտենբերգի անունով ջրի երես են դուրս եկել մի շարք ընկերություններ՝ Kenrick Overseas Ltd, Culloden Properties Limitied և Highland Ventures Group Limited։
Պանամական օֆշորական սկանդալը չի շրջանցել նաև Մոսկվայի տրանսպորտի դեպարտամենտի ղեկավար Մաքսիմ Լիկսուտովին։ Բացահայտված փաստաթղթերի համաձայն՝ նրա անվան դիմաց գրանցված է եղել Sermolent Equities Inc կոչվող ընկերությունը։
Կարդացեք նաև
