Բռնցքամարտի Հայաստանի կանանց հավաքականն այս օրերին ուսումնամարզական հավաք է անցկացնում: Մեր աղջիկները մարզիչ Հարություն Նազարյանի ղեկավարությամբ նախապատրաստվում են մայիսի 15-ից 28-ը Աստանայում կայանալիք աշխարհի առաջնությանը: ՀԲՖ-ի մամուլի քարտուղարության փոխանցմամբ, հավաքին մասնակցում է ութ աղջիկ, սակայն մրցավայր մեկնելու են 51 կգ քաշային Անուշ Գրիգորյանը եւ 60 կգ քաշային Աշխեն Հովհաննիսյանը:
Աստանայի աշխարհի առաջնությունում խաղարկվելու են նաեւ օլիմպիական ուղեգրեր, որոնք բաժին են հասնելու յուրաքանչյուր քաշային կարգում 1-ից 4-րդ տեղերն զբաղեցնողներին:
Աշոտ ՀԱԿՈԲՅԱՆ
Լուսանկարը՝ Անուշ Գրիգորյանի ՖԲ էջի
