Այսօր Երեւանում անցկացված Street Wokout Challenge մրցույթի թեժ պահին տարեց մի մարդ անսպասելի մտավ մրցասպարեզ եւ սկսեց գետնից արտահրումներ կատարել՝ արժանանալով հանդիսականի ջերմ ծափերին: Aravot.am-ը «մրցելույթից» հետո զրուցեց պապիկի հետ: Նա Միտյա Կիրակոսյանն էր, 83 տարեկան:
– Դուք զարմացրիք հանդիսականին: Ձեր պատկառելի տարիքում քանի՞ արտահրում եք կարողանում կատարել:
– Ավելի քան 50. մի օր ավել, մի օր պակաս…
– Սպորտով երբեւէ զբաղվե՞լ եք:
Կարդացեք նաև
– Չէ: Տանն եմ ամեն օր մարզվում, կամ այգում: Վազում եմ, վարժություններ կատարում, ծանրաձող բարձրացնում:
– Ծխո՞ւմ եք:
– Չէ, կյանքում չեմ ծխել: Խմելու հետ էլ սեր չունեմ, թեեւ ուրիշ առիթների ժամանակ երբեմն օգտագործում եմ:
– Ի՞նչ խորհուրդներ կտաք երիտասարդներին:
– Ամեն օր զբաղվեն սպորտով, իրենց առողջության մասին մտածեն, որպեսզի ուժեղ լինեն, հասնեն իմ տարիքին ու ինձ գերազանցեն:
Աշոտ ՀԱԿՈԲՅԱՆ
