Այսօր Վալերի Պերմյակովի դատավարության ժամանակ Ավետիսյանների իրավահաջորդների շահերը ներկայացնող Լուսինե Սահակյանը դատարանին միջնորդեց որպես վկա ներգրավել Շիրակի նախկին ոստիկանապետ Վարդան Նադարյանին: Ավետիսյանների սպանության ժամանակ հենց նա էր Շիրակի ոստիկանապետը, ու ըստ փաստաբանի, պիտի պատասխանի մի քանի կարեւոր հարցերի՝ մասնավորապես այն հարցին, թե ինչպե՞ս եղավ, որ Վալերի Պերմյակովին ձերբակալելուց հետո նա հայտնվեց 102-րդ ռազմաբազայում, ոչ թե սահմանված կարգի համաձայն, հայկական կողմի մոտ:
Բացի այդ, Վարդան Նադարյանը պիտի պատասխաներ որոնողական աշխատանքների հետ կապված հարցերին, այս գործընթացում հայ ոստիկանների մասնակցության մասին: Դատարանը, սակայն, մերժեց Լուսինե Սահակյանի միջնորդությունը:
Հաջորդ միջնորդությունը ներկայացրեց իրավապաշտպան Արայիկ Զալյանը, նա ընթերցեց Ավետիսյանների հարսի՝ Արաքսյայի հոր պահանջը, այն է՝ դատարանում որպես վկա ընդգրկել Վալերի Պերմյակովի հորը՝ Պավել Պերմյակովին, որը, ըստ նրա, ԱՄՆ-ում հաճախակի է եղել: Դատախազ Գեւորգ Գեւորգյանը անհիմն համարեց միջնորդությունը, փաստաբան Լուսինե Սահակյանը նույնպես գտավ, որ պիտի մերժվի, դատարանը մերժեց այն:
Կարդացեք նաև
Նունե ԱՐԵՎՇԱՏՅԱՆ
