Անդրադառնալով ղարաբաղյան խնդրին եւ պատասխանելով այն հարցին, թե ինչո՞ւ հայկական ուժերը հարձակում չեն սկսում, ԱԺ նախագահ Գալուստ Սահակյանն ասել է. «Մենք, ընդամենը լսելով միջազգային հանրությանը, կողմնակից ենք դրսեւորումը խաղաղ ճանապարհով լուծելու համար»։
«ՉԻ»– Մեղավորն, իհարկե, լրագրողն է, որ Գալուստ Սահակյանին այդպիսի հարց է տվել։ Ախր ԱԺ նախագահն ի՞նչ իմանա՝ ինչու հայկական զորքերը չեն անցնում հարձակման։
Եվ ընդհանրապես՝ պետք է հնարավորինս քիչ հարցեր տալ Գալուստ Սահակյանին։ Հիմա զվարճանալու ժամանակը չէ:
Բայց Գալուստ Սահակյանն էլ է մեղավոր։ Կարող էր, չէ՞, անհասկանալի մտքեր հայտնելու փոխարեն ասել, որ դա ԼՂՀ իշխանությունների եւ զինվորական ղեկավարության որոշելիքն է։
Կարդացեք նաև
Այլ հարց է, որ Գալուստ Գրիգորիչի ձեւակերպմամբ դա կհնչեր մոտավորապես այսպես. «Մենք կողմնակից ենք այդ որոշման դրսեւորումը ԼՂՀ իշխանությունների հայեցակարգին թողնելու համար, որովհետեւ դատողություն գոյություն ունի ինքնուրույն միավորի առնչությամբ»։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
