ԱՄՆ նախագահ Բարաք Օբամայի որոշմամբ երկրի քրեակատարողական հիմնարկներում պատիժ կրող 58 անձ ազատ կարձակվի, որոնց թվում կան նաև ցմահ դատապարտված կալանավորներ։ Այս մասին հաղորդում է The Hill-ը։
Օբամայի հայտարարած համաներումով ազատվող դատապարտյալների մեծ մասը քրեակատարողական հիմնարկներում է հայտնվել թմրանյութերի վաճառքի և տարածման մեղադրանքներով։ Ուշագրավ է, որ հայտարարված համաներմամբ ազատ են արձակվելու ինչպես վերջերս ձերբակալվածները, այնպես էլ 1990-ականներից իրենց պատիժը կրող դատապարտյալները։
Իր պատիժը կրողներից մեկը, օրինակ, դատապարտվել է 1994թ.՝ 5 կիլոգրամ կոկաին ձեռք բերելու և այն վաճառելու մեղադրանքով։ Համաներմամբ ազատ արձակվողների զգալի մասը իրենց պատիժը կրելու վայրից ազատ կարձակվի ընթացիկ տարվա սեպտեմբերի 2-ին։
Տեղեկացնենք նաև, որ 2014թ. ի վեր նախագահ Օբամայի որոշմամբ արդեն իսկ ազատ է արձակվել 90 դատապարտյալ։
