ԱԺ պետաիրավական հարցերի մշտական հանձնաժողովի նախաձեռնությամբ, խորհրդարանում մեկնարկել են Ընտրական օրենսգրքի քննարկումների երկրորդ փուլը: Քննարկումներն ընթանում են փակ ձեւաչափով:
Aravot.am-ի հարցին, երկրորդ փուլի այս քննարկումները կբերե՞ն այն արդյունքները, որոնք ընդդիմադիրներն ակնկալում են, ընդդիմադիր պատգամավոր Լյուդմիլա Սարգսյանն ասաց. «Ինձ մոտ տպավորություն կա, որ կառուցողական մոտեցում կա: Ես կարծում եմ, որ որոշ կետեր, միանշանակ փոփոխություններ կկրեն: Բայց խոսքը չի վերաբերվում ռեյտինգային ցուցակներին եւ քվեարկությանը: Ի սկզբանե էլ պարզ էր, որ իշխանությունն այդ հարցում զիջումների չի գնա եւ շահարկել այդ հարցն, անիմաստ է»:
Լյուդմիլա Սարգսյանն անիմաստ է համարում անընդհատ պնդել այն կետերը, որոնք ի սկզբանե էլ պարզ էր, որ չեն փոխվելու: Կարծում է, որ պետք է շեշտադրումներ անել այն կետերին, որոնք իշխանությունը հակված է փոփոխել:
«Շատ համերաշխ աշխատանքային մթնոլորտ է, փորձում են առավելագույնս համաձայնեցված ներկայացնել նախագիծը»,- ասաց պատգամավորը:
Կարդացեք նաև
Հարցին` ինքն առաջին ընթերցման ժամանակ «կողմ» քվեարկեց նախագծին, հիմա այ՞դ դիրքերից է հանդես գալիս, ասաց, որ իր քվեարկությունը պայմանավորված էր նրանով, որ խորհրդարանի լիագումար նիստի քննարկմանը ներկայացված նախագիծը բավական բարեփոխված էր:
Այլ մանրամասները`տեսանյութում
Նելլի ԳՐԻԳՈՐՅԱՆ
