Գերմանիայի խորհրդարանում ներկայացված Սոցիալ-դեմոկրատական կուսակցության խմբակցության ղեկավար Թոմաս Օպերմանն անդրադարձել է 2016թ. հունիսի 2-ին Գերմանիայի խորհրդարանում քննարկվելիք 1915թ. իրադարձությունները, որպես ցեղասպանություն ճանաչելու նախագծին: Այս մասին տեղեկացնում է գերմանական Kath.net լրատվական կայքը։
Գերմանական այդ կուսակցության խորհրդարանական խմբակցության ղեկավարն ասել է, որ չնայած Թուրքիան դեմ է այդ նախագծին, այնուամենայնիվ, Գերմանիայի խորհրդարանը որպես ցեղասպանություն է ճանաչելու հայերի զանգվածային կոտորածները, որոնք տեղի են ունեցել Առաջին համաշխարհային պատերազմի ընթացքում։
Պատգամավորի խոսքերով՝ Թուրքիայի կողմից սպասվող հնարավոր քայլերն ու հակազդեցությունները որևէ կերպ չեն կարող խոչընդոտել նախագծի ընդունմանը և 2016թ. հունիսի 2-ին Գերմանիայի խորհրդարանում Հայոց ցեղասպանության ճանաչումն անխուսափելի է։
