Ապրիլի 26-ին ԱԺ-ում մերժվել էր «Հրազդանի ցեմենտի գործարանի հարկային պարտավորությունների տույժերի դուրսգրման մասին» օրինագիծը, որի քննարկման ժամանակ ԱԺ ՀԱԿ խմբակցության պատգամավոր, ՀՀ նախկին վարչապետ Հրանտ Բագրատյանը քննադատել էր գործարանի սեփականատեր Միխայիլ Բաղդասարովին: «Այս` ներկայիս նախագահի կառավարման թիմը հին է` միջնադարյան… օրինակ` գործարանի հետ կապված ասում են` «1200 մարդ սպասում է աշխատանքի»…պահ-պահ-պահ… Այս օրենքը կապ չունի աշխատանքի հետ»,-ապրիլի 29-ին «Մեդիա կենտրոնում», վերհիշելով օրինագծի քննարկումը, ասաց Հրանտ Բագրատյանը:
«Մինչեւ հիմա մեր մոտ հանրապետականներն աշխատատեղ են ստեղծում: Ասում եմ` մի ստեղծեք, աշխատատեղ ստեղծելը կործանարար սուտ է: Հնարավորություն տվեք, որ մարդիկ ստեղծեն այդ աշխատատեղը: Ով ասում է` «աշխատատեղ», «19-րդ դար» է ասում: Թվում է, թե վատ բան չի ասում, բայց ամենավատն այն է, որ ասելուց հետո փորձում է այդ «աշխատատեղը» ստեղծել: Ոչ մեկ ոչ մի երկրում աշխատատեղ չի ստեղծում, բացի Հայաստանից»,-հավելեց պարոն Բագրատյանը:
Այլ մանրամասները` տեսանյութում
Կարդացեք նաև
Լուիզա ՍՈՒՔԻԱՍՅԱՆ
