«ԱԱՀ-ն պետության մի գրպանից մտնում է, մյուսից` դուրս գալիս, սխալ առաջարկ է դա»,-ապրիլի 29-ին «Մեդիա կենտրոնում», խոսելով տնտեսագետ Արտակ Մանուկյանի` բանակի կարիքների համար արվող գնումները ավելացված արժեքի հարկից ազատելու առաջարկի մասին, ասաց ԱԺ ՀԱԿ խմբակցության պատգամավոր, ՀՀ նախկին վարչապետ, «Ազատություն» կուսակցության նախագահ Հրանտ Բագրատյանը:
«Նպատակահարմար չէ ԱԱՀ-ից ազատելը, որովհետեւ պետությունը, բանակին ապահովելով, ստանում է ԱԱՀ եւ նույն բյուջեն դնում-ծախսում է բանակի վրա: Դա ոչ մի բան չի տալու: Այդպես պարզապես հարկային դաշտը կավերենք ու դուրս կգանք: Այլ հարց է, որ իմ կարծիքով` ժամանակն է, եւ մենք էլ կպայքարենք, որ նոր Հարկային օրենսգրքում վերանա ԱԱՀ ասվածը: Այդ հարկատեսակը իրեն սպառել է Հայաստանում»,-նշեց Հրանտ Բագրատյանը:
Լուիզա ՍՈՒՔԻԱՍՅԱՆ
Հասկանալու պարագայում, այդ առաջարկը սխալ չէ: Պատրաստ եմ հրապարակավ բացատրել նրանց ովքեր չեն հասկանում….
https://armtimes.com/hy/read/84526 սա էլ մի 5 օր առաջ ինքս բացատրել եմ, որ Բագրատյանի նմանները հասկանան…