ԼՂՀ ՊԲ զինծառայողների խոշտանգված մարմինների լուսանկարները ցուցադրելը կարող է խոչընդոտել դատարաններում եւ միջազգային կառույցներում խոշտանգումների գործերով բողոքների ներկայացմանը:
Այսօր «Անալիտիկ» ակումբում նման կարծիք հայտնեց «Ընդդեմ իրավական կամայականությունների» հ/կ ղեկավար Լարիսա Ալավերդյանը։
«Այսօրվա դրությամբ իրավական գործընթացներ են սկսվել։ Այդ պատճառով, շատ դեպքերում տեղեկատվության տարածումը սահմանափակ է։ Այստեղ բավականաչափ զգուշավորություն է անհրաժեշտ։ Մենք սպասում ենք, որ որոշակի դատական գործընթացներ ընթացք ստանան։ Ստեղծված իրավիճակում ստացվում է, որ իրավական գործընթացների ուղղությամբ աշխատում է հասարակությունը։ Վստահ եմ, որ այդ աշխատանքը պետք է ակտիվորեն կատարի իշխանությունը։ Ակտիվություն է անհրաժեշտ»,- ասաց Լարիսա Ալավերդյանը։
Տիկին Ալավերդյանը ներքաղաքական համախմբումը պատերազմական օրերին դրական է համարում ու ողջունում է Հայաստանի առաջին ու երրորդ նախագահների հանդիպումը, բայց ափսոսում է. «Բայց ես ընթերցել եմ առաջին նախագահի հարցազրույցը ու պարզվել է, որ նա չի փոխել իր դիրքորոշումը ղարաբաղյան հարցի շուրջ»:
Կարդացեք նաև
Արփինե ՍԻՄՈՆՅԱՆ
