Աշխատանքի եւ սոցիալական հարցերի նախարար Արտեմ Ասատրյանն այսօր կառավարության նիստից հետո լրագրողների հետ զրույցում ասաց, որ այս պահին ձեռնպահ են մնում նվազագույն աշխատավարձը 55 հազար դրամից 65 հազար դրամ դարձնել, քանի որ կան մի շարք խնդիրներ:
Նշենք, որ այսօր կառավարությունը մերժեց Ազգային ժողովի՝ նվազագույն աշխատավարձը բարձրացնելու մասին օրենսդրական նախաձեռնությունը:
Արտեմ Ասատրյանի խոսքերով՝ «Վերջին տարիներին կառավարության որդեգրած քաղաքականությունը նվազագույն աշխատավարձի հետեւողական բարձրացումն էր, եւ 2013-2015 թվականներին ամեն տարի նվազագույն աշխատավարձի չափն ավելացել է, այս տարիների ընթացքում 64%-ի չափով: Իհարկե կառավարության ծրագրով նախատեսված էր նաեւ դրա ավելացում մինչեւ 65 հազար դրամ՝ 2017 թվականի համար, բայց ելնելով ներկայիս իրողություններից, այս պահին ձեռնպահ ենք մնացել 2016-ի համար աշխատավարձերի չափերի ավելացման»:
Ըստ նախարարի, ներկայումս աշխատավարձի բարձրացում, նշանակում է լրացուցիչ բյուջետային հատկացումներ, որոնք միջնաժամկետ ծախսերի ծրագրով նախատեսված չեն եղել եւ 2016-2018 թվականին. դա շուրջ 13 միլիարդ դրամ է այս տարվա պետական բյուջեի համար:
Կարդացեք նաև
Մանրամասն՝ տեսանյութում
Նելլի ԲԱԲԱՅԱՆ
