Պատանի կոմպոզիտոր Նարեկ Անդրեասյանը Գերմանիայի Դարմշտադ քաղաքում կայացած Ռախմանինովի անվան պատանի կոմպոզիտորների միջազգային II մրցույթում զբաղեցրել է պատվավոր երկրորդ հորիզոնականը: 53 մասնակիցների մեջ (երկու ենթախմբերով) Նարեկի “Էտյուդ-պատկեր” դաշնամուրային ստեղծագործությունն արժանացել է Ժյուրիի բարձր գնահատանքին: Ի դեպ, Հայաստանից միայն Նարեկն էր մասնակցում մրցույթին:
– Անկեղծ՝ ուրախ եմ շատ, որ կարողացա իմ ստեղծագործությամբ բարձր պահել երկրիս պատիվը: Իմ այս հաղթանակը նվիրում եմ Արցախում զոհված հերոսների հիշատակին և այս պահին մարտնչող հայ զինվորներին:
Նարեկ Անդրեասյանի համար Ռախմանինովի անվան մրցույթն առաջին միջազգային ստուգատեսն էր: Հավելենք, որ պատանի կոմպոզիտորի կոմպոզիցիայի ուսուցիչը Դավիթ Բալասանյանն է:
Հարգանքներով՝ Հայաստանի կոմպոզիտորների միություն
Կեցցե՛ս Նարեկ ջան, հիմա շատ-շատերն են ուրախացել քո հաղթանակով, այո-այո, հաղթանակ, որովհետև հերթական անգամ, Հայաստանի հերթական ներկայացուցիչը, ընդ որում՝ միակը, միջազգային հարթակում չքնաղ անունով ՀԱՅԸ հնչեցրեց հայի հոգու ստեղծագործությունը և տասնյակների մեջ դարձավ երկրորդը: Տա, Աստված, որ մի օր ըմբոշխնենք քո անհատական համերգը Խաչատրյան համերգասրահում: