«Մեր ոչ բոլոր առաջարկություններն են ընդունվել, բայց մենք այդպիսի պատրանքներ չենք էլ ունեցել: Յուրաքանչյուր քաղաքական ուժ նաեւ իր շահերով էր առաջնորդվելու: Ամեն դեպքում, աշխատելու մեր տարբերակն ավելի արդյունավետ է, քան վերջնագրեր ներկայացնելն ու մերժողական կեցվածք ընդունելը»,- այսօր ԱԺ-ում «Ընտրական օրենսգրքի» քննարկման ժամանակ ասաց ՀՅԴ խմբակցության քարտուղար Աղվան Վարդանյանը:
Նա ասաց, որ որեւէ օրենք ընտրակաշառքը չեն բացառելու, այստեղ այլ լուծում է պետք: Ուստի առաջարկեց, որ 2017-ի խորհրդարանական ընտրությունների քարոզարշավից առաջ բոլոր քաղաքական ուժերը «ջենթլմենական համաձայնագիր» ստորագրեն, որ ոչ իրենք, ոչ իրենց տարածքային թեկնածուները ընտրակաշառք չեն բաժանելու, նաեւ վերահսկման մեխանիզմ սահմանեն:
Աղվան Վարդանյանը վստահեցրեց, որ այդ դեպքում կլինի երկրում նոր որակի իշխանություն ձեւավորելու նախապայման:
Կարդացեք նաև
Հռիփսիմե ՋԵԲԵՋՅԱՆ
