ԱՄՆ սենատոր Մարկ Քիրքը հոդված է հրապարակել ամերիկյան The Hill հայտնի պարբերականում, որտեղ նշում է, թե անհրաժեշտ է կանխել ադրբեջանական ագրեսիան Լեռնային Ղարաբաղի նկատմամբ։
ԱՄՆ սենատորը նշում է, որ ժամանակը եկել է, որպեսզի Ադրբեջանն առերեսվի այն հետևանքների հետ, որոնք առաջացել են Լեռնային Ղարաբաղի հանդեպ ռազմական ագրեսիա կիրառելու պատճառով։ Սենատորը վստահ է, որ ռազմական վերջին բախումները հրահրելով՝ Ադրբեջանը փորձում էր փոխել հրադադարի ռեժիմը, որն այլևս չի արդարացնում այդ երկրին։
Որպես լարվածության նվազեցման առաջին քայլ, Քիրքի կարծիքով՝ կողմերը պետք է համաձայնություն ձեռք բերեն՝ Լեռնային Ղարաբաղի հակամարտության շփման գուտում դիպուկահարներ չօգտագործելու մասին։
Լեռնային Ղարաբաղի հակամարտությանը վերաբերվող իր հոդվածի վերջում ԱՄՆ սենատոր Մարկ Քիրքն արձանագրում է, որ զինադադարի պահպանման մեխանիզմների բացակայության պայմաններում Ադրբեջանը գնալով ավելի ռազմատենչ է դառնում, և այս երկրի իրականացրած բռնություններն անհետևանք են մնում: Սենատորը պնդում է նաև, որ այդպես չի կարող շարունակվել և այդ իրողությունը պետք է փոխել։
Կարդացեք նաև
