«Բլից Ինֆո» մամուլի ակումբում այսօր Արտակարգ եւ լիազոր դեսպան Արման Նավասարդյանին լրագրողները հարցրեցին, թե ինչպես կարձագանքի ԱԺ փոխնախագահ Հերմինե Նաղդալյանի հայտարարությանը, թե. «Մեր փոխզիջումը ոչ թե հինգ գրավյալ տարածքներն են, այլ Մադրիդյան սկզբունքների ամբողջական համալիրը: Մենք այն հողերը, որոնց վրա այդ իրավունքը չունենք, մենք էդ հողերը չենք ուզում»:
Պարոն Նավասարդյանը տիկին Նաղդալյանի մեկնաբանությունը չէր լսել: Լրագրողները մեջբերեցին այն, ինչին ի պատասխան Նավասարդյանն ասաց. «Նայած` ինչ հողեր, ինչքան եւ երբ: Անորոշություն, եթե հիմա Քարվաճառը վերցնենք-տանք իրենց, ի՞նչ կլինի…»:
Լուիզա ՍՈՒՔԻԱՍՅԱՆ
