ԶԼՄ-ներում սկսել է ակտիվորեն շրջանառվել այն լուրը, որ Հռիփսիմե Խուրշուդյանի դոպինգ ստուգման արդյունքում մելդոնիում է հայտնաբերվել եւ չի բացառվում, որ նրա նկատմամբ կարող է պատժամիջոց կիրառվել:
Aravot.am-ը պարզաբանում ստացավ Արեւելյան Եվրոպայի տարածաշրջանային հակադոպինգային կազմակերպության նախագահ, բժշկագիտության դոկտոր, պրոֆեսոր Արեգ Հովհաննիսյանից:
«Տվյալները վերաբերում են ծանրամարտի ՌԴ նախագահի գավաթի խաղարկությանը, այլ ոչ թե Եվրոպայի առաջնությանը, ինչը հստակ ու հասկանալի չի տարանջատվում որոշ լրատվամիջոցներում: Հայտնաբերված մելդոնիումի քանակը 250 անգամ քիչ է, քան ՎԱԴԱ-ի սահմանած չափորոշիչներն են: Ըստ հաշվարկների, Մելդոնիումը կարող է օգտագործված լինել 2015 թ. ամռանը, երբ դեռ չկար 2016 թվականի արգելված նյութերի եւ մեթոդների ցուցակի նախագիծն անգամ: Այն ժամանակ մելդոնիումը եղել է թույլատրված նյութերի շարքում», – ասաց Արեգ Հովհաննիսյանը եւ հավաստիացրեց, որ Հռիփսիմե Խուրշուդյանին որեւէ պատիժ չի սպառնում եւ նա շարունակում է բնականոն հունով նախապատրաստվել օլիմպիական խաղերին:
Կարդացեք նաև
Աշոտ ՀԱԿՈԲՅԱՆ
