Շատ քիչ է պատահում, որ մի երկրի դեսպանատունը արձագանքի մեկ այլ երկրի լրատվամիջոցի հրապարակմանը։ Միայն այս փաստը ինքնին ուշագրավ է։ Մենք այս թեմային բազմիցս անդրադարձել ենք, թե ինչու է Հայաստանում ժամանակ առ ժամանակ հակառուսական տրամադրությունների ալիք բարձրանում։
Հնարավոր է, որ ԱՄՆ դեսպանատունը իսկապես աջակցում է տարբեր հասարակական կառույցների, քաղաքական ուժերի, որոնք աչքի են ընկնում իրենց ընդգծված հակառուսական հռետորաբանաթյամբ։ Բայց հակառուսական տրամադրությունների բարձրացման համար ոչ մի դրամաշնորհ, ֆինանսավորում, աջակցություն օգուտ չի տա, եթե դրա համար նախադրյալներ չլինեն։ Այսինքն, հենց այնպես հնարավոր չէ նման տրամադրություններ առաջացնել։ Օրինակ, դժվար է պատկերացնել, թե ինչպես կարող է ԱՄՆ դեսպանատունը Հայաստանում հակաչինական կամ հակահնդկական տրամադրություններ առաջացնել։
Իսկ հակառուսական տրամադրությունների համար Հայաստանում պարարտ հող կա։ Որ ուրիշ բան չլինի, միայն այն, որ մեր զինվորները, խաղաղ քաղաքացիները Լեռնային Ղարաբաղում, հայ-ադրբեջանական սահմանում Ադրբեջանին վաճառված ռուսական զենքից են սպանվում, մեր սահմանամերձ բնակավայրերը ռուսական հրթիռային համալիրներից են ռմբակոծվում՝ արդեն հերիք է։
Մհեր ՂԱԼԵՉՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
