Ուկրաինայի Ռադայի մի շարք պատգամավորներ միացել են պատգամավոր Վիտալի Բառվինենկոյի հեղինակած նախագծին, որով նախատեսվում է ճանաչել Հայոց ցեղասպանությունը։ Այս մասին տեղեկացնում է genocide.org կայքը։
Բառվինենկոյի առաջարկած Հայոց ցեղասպանության ճանաչման մասին օրենդրական նախագծին իրենց աջակցությունն են հայտնել ընդհանուր առմամբ Ուկրաինայի Ռադայի 12 պատգամավոր, որոնք ներկայացնում են երկրի տարբեր քաղաքական ուժերին։
Ուկրաինայի օրենսդիր մարմնում ծավալվող այդ իրադարձությունները մեկնաբանել է այդ երկրի հայ համայքնի ղեկավար Վիլեն Շատվորյանը. «Մենք երախտապարտ ենք Ուկրաինայի պատգամավորներին՝ արդարությանը հավատարիմ լինելու համար»։
Տեղեկացնենք, որ 2013թ. հունիսի 6-ին Ռադայում գրանցվեց օրենսդրական մի նախագիծ, որով նախատեսվում էր ճանաչել 1915թ. Օսմանյան կայսրությունում տեղի ունեցած Հայոց ցեղասպանությունը։ Օրենսդրական նախագծի հեղինակները Ուկրաինայի խորհրդարանի պատգամավորներ Վիլեն Շատվորյանն ու Արսեն Ավակովն էին։
Կարդացեք նաև
