Ֆրանսաբնակ ճանաչված ջութակահար, Փարիզի Ազգային կոնսերվատորիայի պրոֆեսոր Հրաչյա Հարությունյանը Aravot.am-ի հետ զրույցում խոսելով Հայաստանում առայսօր շնորհվող կոչումների մասին, իր օրինակը բերեց. «Ես 46 տարեկանում եմ Հայաստանից գնացել, բավականին հայտնի ջութակահար էի, աշխարհով մեկ համերգներ էի ունեցել, սակայն չունեի մոտիկ-բարեկամ ղեկավարության շրջանում, որ ինձ կոչում շնորհեին: Տարիներ շարունակ ծանոթներս կոչումներ էին ստանում, ես՝ ոչ, մինչդեռ այն ժամանակ պատկերավոր ասած՝ արդուկն էլ միացնեին, ես էի նվագում: Վերջում, երբ ԽՍՀՄ-ը փլուզվում էր, առաջարկեցին, որ կոչում շնորհեն, արդեն ես չուզեցի:
Զավեշտականն այն էր, որ երբ խումբ էր գնում արտասահման՝ երկիր ներկայացնելու, ինձ էին ուղարկում, ոչ թե կոչումավորներին: Ես էլ փաստորեն աշխարհը ման եկա՝ առանց վաստակավորության ու շատ էլ գոհ եմ»:
Մանրամասները՝ ապրիլի 25-ի տպագիր «Առավոտում»:
Գոհար ՀԱԿՈԲՅԱՆ
