«Կարծես թե մոլորակի հանրությունը ավելի տեղեկացվեց եւ այն ամսաթիվը՝ դեկտեմբերի 9 անունով, որ ցեղասպանության դատապարտմանն է վերաբերվում, նույնպես ես համարում եմ Հայոց ցեղասպանության 100-րդ տարելիցին Հայաստանում կազմակերպվածության հետեւանքը»,- Aravot.am-ի հետ զրույցում ասաց ԱԺ պատգամավոր Տաճատ Վարդապետյանը:
Ըստ նրա մի շարժում է սկսվել՝ միջազգային հանրությունը ցեղասպանությունների նկատմամբ ավելի զգայուն է դարձել. «Համոզված եմ, որ շատ չի ուշանա ցեղասպան երկրի ինքնախոստովանությունը»:
Տաճատ Վարդապետյանը համարում է, որ պետք է ողբերգությունը պահանջատիրությամբ փոխարինել, պետք է պահանջատիրոջ կարգավիճակ ստանձնել. «Այս պարագայում, ինձ թվում է՝ արդյունքը հենց Ցեղասպանության ճանաչման պարագայում ավելի հեռանկարային, ավելի իրական է դառնում, որ միջազգային հանրությունը ընդունի: Որովհետեւ ողբերգությունը, ինչ խոսք մեր ազգային տարեգրության ողբերգական էջերից է, բայց մենք պետք է դադարենք լաց լինել, ողբալ»:
Ըստ նրա, Հայոց ցեղասպանության 100-րդ տարելիցից ի վեր հայկական կողմի պահանջատիրությունը ավելի ընդգծվել է, ավելի հիմնավորվել է. «Միջազգային ֆորումի ավանդական դառնալը մեծ ձեռքբերումներով է ուղենշվելու եւ միջազգային հանրությունը կարծում եմ` ավելի ականջալուր է լինելու թե՛ Հայոց ցեղասպանության անհերքելի իրողությանը, թե՛ նաեւ աշխարհում տեղի ունեցող այլ ցեղասպանությունների դատապարտման ուղղությամբ, որպեսզի այլեւս չկրկնվի, եւ չունենանք մենք այդպիսի արհավիրք»:
Կարդացեք նաև
Ամի ՉԻՉԱԿՅԱՆ
